Në shërbim të dijes dhe edukimit, përmes librave dhe mësimdhënies.
Instituti Germa është institucion kulturor dhe edukativo-arsimor që vepron në fushën e botimeve, përkthimeve dhe mësimdhënies. Botojmë literaturë fetare, gjuhësore dhe edukative, organizojmë kurse për leximin e Kuranit dhe mësimin e gjuhëve, si dhe përgatisim videoleksione e materiale mësimore.
Në përgatitjen e botimeve, i kushtojmë kujdes saktësisë së përmbajtjes, cilësisë së përkthimit dhe redaktimit gjuhësor. Në kurse, ndërthurim shpjegimin me ushtrime praktike, sipas nivelit dhe nevojave të nxënësve.
Thuaj: “Zoti im, shtoma dijen!”
Saktësia
Mbështetemi në burime të besueshme dhe e rishikojmë përmbajtjen para botimit, me kujdes për saktësinë fetare dhe gjuhësore.
Qartësia
Përdorim gjuhë të rrjedhshme dhe shpjegime të kuptueshme, duke i sqaruar termat dhe çështjet që kërkojnë njohuri paraprake.
Kujdesi për nxënësin
Mësimet i përshtatim sipas moshës dhe njohurive të nxënësve. U japim hapësirë pyetjeve dhe i ndihmojmë të përparojnë hap pas hapi.
Përgjegjësia
Mirëpresim vërejtjet dhe sugjerimet dhe i korrigjojmë gabimet që vërehen në botimet dhe materialet tona.
Jusuf Kastrati
Themelues & drejtor
Themelues dhe drejtor i Institutit Germa
Instituti Germa udhëhiqet nga hoxhë Jusuf Kastrati, themelues dhe drejtor i Institutit. Ai ka përfunduar studimet universitare në Fakultetin e Sheriatit të Universitetit Islam „Imam Muhamed ibn Saud“ në Rijad, në degën e jurisprudencës islame dhe bazave të saj. Në të njëjtin universitet ka përfunduar edhe studimet master në Kulturë Islame, ndërsa aktualisht vijon studimet e doktoratës në degën e Qytetërimit Islam në Universitetin Zejtuna në Tunizi.
Hoxhë Jusufi ka përvojë shumëvjeçare në përkthimin e literaturës islame dhe në mësimdhënie. Ka përkthyer libra fetarë dhe ka mbajtur kurse për mësimin e leximit të Kuranit dhe të gjuhës arabe, me shpjegime në shqip dhe gjermanisht. Një pjesë të veçantë të punës së tij ia ka kushtuar edukimit fetar të të rinjve.